Pavlodarda jappaı tóbeles boldy. Ony uıymdastyrǵan turǵyndardyń kim ekeni anyqtaldy, dep habarlaıdy Egemen.kz jergilikti basylymǵa silteme jasap.
Oqıǵa Qamzın kóshesinde bolǵan. Tóbelesti kýágerler uıaly telefonǵa túsirip alǵan. Keıin vıdeo Telegram-daǵy arnalardyń birinde tarady.
Jarııalanǵan kadrlarda bir top jigitter jol boıynda tóbeleskenin kórýge bolady. Oblystyq Polısııa departamenti baspasóz qyzmetiniń málimetinshe, qońyraý túngi saǵat 01:00-de túsken. Jappaı tóbeleske qatysqan 22 jastan 36 jasqa deıin er adamdar anyqtalyp, polısııa bólimshesine jetkizildi.
- Tekseris júrgizilip jatyr. Olardyń árqaısysynyń áreketterine quqyqtyq baǵa beriledi. Tóbeleste kámeletke tolmaǵandar bolmaǵany anyqtaldy, - dep habarlady departament.
Tóbeleske barlyǵy onǵa jýyq adam qatysqan, olardyń jeke basy anyqtaldy.